फिफा वरियतामा नेपालको सुधार, दुई स्थान माथि उक्लियो

काठमाडौं  – विश्व फुटबल वरियतामा नेपाल दुई स्थान माथि उक्लिएको छ । फिफाले बिहीबार सार्वजनिक गरेको वरियताअनुसार नेपाल १ सय ७३ औँ स्थानमा पुगेको छ ।  

दक्षिण एसियाली देशमध्ये भारत सबैभन्दा माथि १ सय ३० औँ स्थानमा छ । माल्दिभ्स ५ स्थान उक्लिएर १ सय ४० औँ स्थानमा पुगेको छ । अफगानिस्तान (तेस्रो स्थान) वरियतामा १ सय ५१ स्थानमा छ । नेपाल भन्दा तल भुटान १ सय ७७, बंगलादेश १ सय ९०, श्रीलंका १ सय ९६ र पाकिस्तान १ सय ९८ औँ स्थानमा छन् । फिफा वरियताको शिर्ष स्थानमा अर्जेन्टिना, दोस्रोमा ब्राजिल र तेस्रोमा जर्मनी छन् ।

उत्कृष्ट १५ देश

• अर्जेन्टिना
• ब्राजिल
• जर्मनी
• चिली
• बेल्जियम
• फ्रान्स
• कोलम्बिया
• पोर्चुगल
• उरुग्वे
• स्पेन
• स्वीट्जरल्याण्ड
• वेल्स
• इंग्ल्याण्ड
• पोल्याण्ड
• इटाली