काठमाडौं – साबिक विजेता बार्सिलोनाले स्पेनिस ला लिगामा शानदार जित दर्ता गरेको छ । शनिबार राति भएको खेलमा बार्सिलोनाले ओसासुनालाई ३–० ले हराउँदै जित दर्ता गरेको हो ।
बार्सिलोनाको जितमा लियोनल मेस्सीले दुई तथा लुइस स्वारेजले एक गोल गरे । पहिलो हाफमा गोलरहित बराबरीमा रोकिएको बार्सिलोनाका लागि ५९ औं मिनेटमा स्वारेजले गोल गर्दै सुरुवाति अग्रता दिलाए । त्यसपछि मेस्सीले ७२ औं मिनेट र इन्जुरी समयमा गोल गर्दै भ्रमण टोली बार्सिलोनालाई ३–० को सहज जित दिलाए । 
जितसँगै दोस्रो स्थानको बार्सिलोनाको १५ खेलबाट ३१ अंक भएको छ । उ शीर्ष स्थानको रियल मड्रिड भन्दा ६ अंकले पछि छ । राति नै भएको खेलमा शीर्ष स्थानको रियल मड्रिडले कप्तान सर्जियो रामोसको इन्जुरी समयको गोलको मद्दतमा ३–२ ले हराएको थियो ।
राति नै भएका अरु खेलमा रियल सोसिडाडले भ्यालेन्सियालाई ३–२ ले हराउँदा लास पालमस र लेगानेसले १–१ को बराबरी खेले ।
