टोकियो – आगामी महिना टोकियोमा हुन गईरहेको नेपाल फेष्टिबलको तैयारीका बिषयलाई लिएर यहाँ क्रियाशील संघसंस्था तथा मिडियाहरुसंगको समन्वय एवं सहकार्यलाई तिब्र बनाउने उद्देश्यले यही आइतवार पत्रकार सम्मेलनसहितको एक छलफल कार्यक्रम हुने भएको छ ।
सो अवसरमा नेपाल फेष्टिवलका हालसम्मका तयारीका सम्बन्धमा भईरहेका प्रगतिको जानकारी सम्बन्धित उपसमितिका संयोजकहरुबाट गराईने आयोजक संस्था एनआरएन जापानले जनाएको छ ।
यसका साथै सोही अवसरमा जापानका संघसंस्था तथा मिडियाहरुसंग नेपाल फेष्टिवल आयोजनाका बारेमा छलफल गरिनुका साथै फेष्टिवलमा स्टल (बुप्पान) राख्न चाहने आबेदकहरुबीच गोलाप्रथा गरी स्थान छनौट गरिने भएको छ ।
पत्रकार सम्मेलनसहितको उक्त छलफल कार्यक्रममा उपस्थित भईदिन यहाँका संघसंस्था तथा सञ्चारकर्मीहरुमा एनआरएन जापानले अपिल गरेको छ ।
कार्यक्रम अपरान्ह दुई बजेदेखि शिनओकुबोस्थित सोलमारी रेष्टुरेन्टको सभाकक्षमा हुने बताईएको छ । फेष्टिवल आगामी महिना अगस्तको ६ र ७ तारिख हुन गईरहेको छ ।***
