टोकियो– जापानको दक्षिणपश्चिमी भागमा तेस्रो दिन पनि अति वर्षा भएपछि सोही करिब चार लाख व्यक्तिलाई उनीहरुको घर छोड्न आदेश दिइएको जानकारी अधिकारीहरु तथा सञ्चारका माध्यमले दिएका छन् ।सोही क्षेत्रमा अवस्थित क्युसु द्वीपका नदीले किनारा नाघ्न थालेपछि करिब दुई लाख ६० हजार बासिन्दालाई उनीहरूको निवास परित्याग गर्न आदेश दिइएको जानकारी अधिकारीहरूले दिएका छन् ।
यहाँ अधिक वर्षाका कारण हालसम्म २९ व्यक्तिको मृत्यु भएको वा उनीहरु हराइरहेको बताइएको छ । जापानको जलवायुसम्बन्धी संस्थाले यस क्षेत्रमा थप पहिरो जाने तथा बाढी आउने चेतावनी दिएको छ । यहाँ शनिबार बिहानै प्रतिघण्टा ११ सेन्टिमिटरको दरले वर्षा भएको देखिएको छ ।
यहाँका जनतालाई विद्यालय तथा सार्वजनिकस्थलमा जान भनिएको छ । टेलिभिजनले घरका भग्नावशेष सहितका बाढीको चित्र देखाएका छन् । आसो नगरको भित्री भागमै ७२ घण्टाभित्र ७५ सेन्टिमिटर वर्षा भएको देखिएको छ ।
फुकुओका प्रशासकीय क्षेत्रमा मात्र ७८ हजार ६०० व्यक्तिलाई अन्यत्र सार्न आदेश दिएको छ । यहाँ १८१ वटा पहिरो गएको बताइएको छ । यहाँ ८२० घर क्षतिग्रस्त भएका छन् र तीन पुल बगेका छन् ।
यहाँ बाढीका कारण मर्नेको वा हराइरहेका व्यक्तिको सङ्ख्या २० पुगेको छ । भने सात हराइरहेको देखिएको छ । तीमध्ये १९ व्यक्तिको पहिरो तथा आसोनजिकै घर ढल्दा मृत्यु भएको बताइएको छ ।
