सिटीको हालसम्मकै आकर्षक योजना बजारमा
टोकियो- एसबिआईको सहकार्यमा जापानबाट नेपालमा पैसा पठाउने रेमिट्यान्स कारोवार गर्दै आईरहेको सिटी एक्सप्रेसले यहि जुलाई ५ तारिखदेखि सित्तैमा रेमिट्यान्स सेवा उपलब्ध गराउने भएको छ ।
कारोवार गरेको पाँचौ बर्षमा प्रवेश गरेको उपलक्ष्यमा आफ्ना ग्राहकहरुको सुबिधालाई ध्यानमा राखी सिटीले उक्त क्याम्पेन बजारमा ल्याएको हो । सिटीले सीमित अवधिको लागि बजारमा ल्याएको उक्त क्याम्पेनअनुसार ग्राहकले जति रकम पठाएपनि रेमिट्यान्स शुल्क नलाग्ने भएको छ ।
“हामीले ग्राहकहरुको सर्बोपरी हितलाई सँधैं केन्द्रमा राखेर कारोवार गर्दै आएका छौं, सोही मुताविक पाँचौ बर्षागांठको अवसरमा रेमिट्यान्स सेवा निःशुल्क गर्ने क्याम्पेन बजारमा ल्याएका हौं” सिटी एक्सप्रेसका अध्यक्ष महेशकुमार श्रेष्ठले भने – “यसबाट हाम्रा सेवाग्राहीहरु सबैभन्दा बढि लाभान्वित हुने बिश्वास लिएका छौं ।”
जापानमा नेपाली रेमिट्यान्स ब्यवसायीहरुबीचको तिब्र प्रतिस्पर्धामा सिटीले ल्याएको यो नि:शुल्क क्याम्पेन नै हालसम्मको सबैभन्दा आकर्षक योजना मानिन्छ ।
“ग्राहकहरुले जापानभर फ़ैलिएर रहेको हुलाकको एटीएमबाट रेमिट्यान्स गर्न सजिलो होस् भनि हरेक ग्राहकको नाममा रेमिट्यान्स कार्ड जारी गरेका छौं, जसलेगर्दा सबैभन्दा सजिलो, भरपर्दो र क्षणभरमै आफन्तको हातमा पैसा पुग्ने प्रभावकारी सेवा पाएकैले हाम्रा ग्राहकहरु सन्तुष्ट छन् । यद्यपि, आफ्ना ग्राहकका लागि बेलाबेलामा थप सुबिधा उपलब्ध गराउदै जाने हाम्रो योजनाअनुसार बिशेष क्याम्पेन बजारमा ल्याएका हौं, आगामी समयमा पनि अन्य आकर्षक योजनाहरु ल्याउने छौं” “- अध्यक्ष श्रेष्ठले भने ।
श्रेष्ठकाअनुसार सिटी एक्सप्रेसले जापान सरकारको फ़ाईनान्स ब्यूरोबाट बिश्वका बिभिन्न मुलुकमा पनि रेमिट्यान्स कारोवार गर्न पाउने अनुमति पाईसकेको छ र छिट्टै कारोवार थालनी गर्ने तैयारी भईरहेको बुझिएको छ । ***
