टोकियो – बिश्वका बिभिन्न मुलुकहरु लगायत जापानबाट नेपालमा रकम पठाउने रेमिट्यान्स कारोवार गर्दै आएको आईएमईले कारोबार शुरु गरेको दोश्रो बर्षमा प्रवेश गरेको उपलक्ष्यमा १ लाख येन (१० मान) सम्मको कारोवारमा रेमिट्यान्स शुल्क नलाग्ने घोषणा गर्दै नयाँ क्याम्पेन शुरु गरेको छ ।
जुलाई ४ तारिख (आज)देखि शुरु हुने उक्त क्याम्पेनमा आईएमईका ग्राहकहरुले आफै हुलाक एकाउन्टमार्फत कारोवार गर्नेहरुका लागि १० मान येन सम्मको रेमिट्यान्समा आईएमईले शुल्क नलिने घोषणा गरेको हो । त्यो भन्दा बढी रकमको हकमा भने साबिकै बमोजिम प्रति रेमिट बराबरा ८८० येन लाग्ने आईएमईले जनाएको छ ।
बैंकिङ कारोबारमार्फत आईएमईको एकाउन्टमा रकम जम्मा गर्नुपर्ने अवस्थामा भने जापानभित्रको एउटा बैंकबाट अर्को बैंकमा रकम जम्मा गर्दा लाग्ने बैकको न्यूनतम चार्ज मात्र ग्राहक स्वयमलाई लाग्ने आईएमईले जनाएको छ ।
“ग्राहकहरुको सुबिधालाई ध्यानमा राखी बेलाबेलामा बिभिन्न क्याम्पेनहरुमार्फत बिभिन्न प्रकारका सेवा उपलब्ध गराउदैं जाने कम्पनीको नियमित कार्यक्रमअनुसार यो क्याम्पेन बजारमा ल्याएका हौ” आईएमईका जापान निर्देशक राजीव श्रेष्ठले भने – “क्योदाई जापानको सहकार्यमा कारोबार थालनीको दोश्रो बर्षमा प्रवेश गरेको अवसरमा ल्याईएको यस क्याम्पेनबाट धेरैभन्दा धेरै ग्राहकहरु लाभान्वित हुनेछन् ।” ***
