डिबिएद्वारा सेती नदि बाढि पीडितका लागि संकलित रकम नेपाल पठाईयो

टोकियो – अघिल्लो महिना सेती नदिमा आएको बाढिबाट पीडितहरुको राहत सहयोगार्थ डिबिए मानवीय सहयोग समिति जापानले संकलन गरेको आर्थिक सहयोग रकम ने. रु. १२६,७९६ नेपाल पठाईएको छ ।

उक्त रकम डिबिए मानवीय सेवा समितिका संयोजक ईश्वर अधिकारी र सल्लाहकार तेजेन्द्रबहादुर थापाले जेनिथ रेमिट्यान्सका प्रतिनिधि नविन निउरेलाई हस्तान्तरण गरेका हुन् ।
पीडितहरुको सहयोगार्थ अन्नपूर्ण एफएम पोखराले खडा गरेको राहतकोषमा जम्मा गर्ने गरी जेनिथ रेमिट्यान्सले उक्त रकम नि:शुल्क पठाउने गरी जिम्मा लिएको हो ।

नेपाल पत्रकार महासंघ जापान शाखाका अध्यक्ष तिलक मल्लको रोहबरमा टोकियोमा आयोजित एक भेटघाट कार्यक्रममा उक्त रकम हस्तान्तरण गरिएको हो ।

डिबिए मानवीय सेवा समितिले आर्थिक सहयोग गर्ने सहयोगदाताहरु सबैमा हार्दिक धन्यबादसहित कृतज्ञता ब्यक्त गरेको छ । ***