हिबिया पार्कमा हुंदै आएको नेपाल महोत्सव यो बर्ष स्थगन

टोकियो – नेपाली समाज संगठन (NAJ) को प्रमुख संयोजकत्त्व तथा अन्य नेपाली तथा जापानी संघसंस्थाहरुको सहकार्यमा बिगत ५ वर्ष अर्थात सन् २००७ देखि हरेक वर्ष लगातार टोकियोको हिबिया पार्कमा हुदै आएको नेपाल महोत्सव र पछिल्लो पटक सन २०११ मा हिमालयन फेयर नेपालको नामबाट सम्पन्न भएको कार्यक्रम यस बर्ष रद्द गरी अनिश्चित समयको लागि स्थगित गरिएको सो संस्थाले जनाएको छ ।

सो संस्थाका अध्यक्ष एवं महोत्सव संयोजक प्रवीण लामाले एक प्रेस बक्तब्य प्रकाशित गरि उक्त जानकारी गराउंदै  त्यसबाट पर्न गएको असूविधाप्रति समस्त  महानुभावहरुमा दुख ब्यक्त गरिएको छ भने अहिलेसम्मको यात्रामा साथ दिने सबैमा  हार्दिक आभारसहित भविष्यमा पनि सहयोग तथा सदभावको अपेक्षा गरिएको छ । ***