काठमाडौं- यौन क्रियाकलापमा नियमित सक्रियताले जति फाइदा गर्छ, त्यसमा आक्कल झुक्कल सहभागिताले त्यति नै बेफाइदा गर्छ । नयाँ अध्ययनले दावी गरे अनुसार यौनक्रियामा कहिलेकाहीं संलग्न हुनेहरूलाई हृदयघातको आशंका दोब्वर हुन्छ । यो निष्कर्षमा पुग्नु अघि हावर्ड विश्वविद्यालयका अनुसन्धाकर्ताहरुले धेरै पुराना अनुसन्धान पत्रहरूको अध्ययन गरे । यसमा उनीरूले के पाए भने यौन समागम कहिलेकाहीं गर्न वा व्यायाममा अनियमितता राख्नेहरूको हृदयाघातबाट मृत्यु हुने जोखिम अढाई गुणासम्म बढी हुन्छ ।यस विपरीत नियमित स्वस्थ यौनमा संलग्न हुनेहरूलाई मुटुको रोग लाग्ने सम्भावना अरूको दाजोमा आधा कम हुन्छ ।
‘जामा’ जर्नलमा प्रकाशित उक्त अध्ययनका लागि अनुसन्धानता- हरूले यसबारेका १४ भन्दा बढी पुराना अनुसन्धानहरूको विश्लेषण गरेका थिए । उनीहरूको विश्लेषण हृदयाघातको कारण के हुन सक्छ भन्नेमा केन्दि्रत थियो । त्यो अनुसन्धानमा ज-जसलाई हृदयघातको जोखिममा कम पाइएका थियो, उनीहरु शारीरिक वा सेक्सुअल गतिविधिमा बढी संलग्न थिए ।
अनुसन्धानमा पाइए अनुसार मुटु सम्बन्धी खतरालाई सबै प्रकारका शारीरिक गतिविधि ३.५ गुणा र यौन सम्पर्कले २.७ गुणासम्म कम गर्छन् । कसैलाई मुटु सम्बन्धी समस्या छ भने पनि नियति शारीरिक गतिविधि वा सहवासले न्यून गर्न सकिन्छ । उक्त अध्ययनमा सलग्न जेसिका पालस भन्छिन्, नियमित यौन वा अन्य शारीरिक गतिविधिले मुटुमा हुन सक्ने हानीलाई एक दुई घन्टाका दरले कम गर्दै लैजान्छ ।
– एजेन्सीबाट
