माओवादीको लागी वाइसीएल घाँडो भयोः अध्यक्ष बस्नेत

काठमाडौ- यूवा संघ नेपालका अध्यक्ष महेश बस्नेतले वाईसीएललाई राहत प्याकेज दिने नाममा फेरि ब्यापारी, उद्योगि सहित नेपाली जनताले चन्दा आतंक खेप्नु पर्ने आशंका ब्यक्त गर्दै राज्यकोषबाट रकम दिई कडा सडक आन्दोलन गर्ने चेतावनी दिए । उनले भने-पार्टीले बेहोर्ने नाममा फेरी नेपाली जनता पिडित हुन्छन ।

रिपोर्टर्स क्लब नेपालले विहीबार आयोजना गरेको साक्षात्कारमा उनले माओवादीले वाईसीएलको नाममा वीष बृक्ष रोपेकोले अहिले माओवादीको लागी घाडो बनेको भन्दै माओवादीले संविधान सभा निर्वाचन जित्न लडाकुलाई वाईसीएल बनाएकोले समस्या आएको बताए ।

बस्नेतले माओवादी लडाकुलाई मात्रै नभई यूद्धबाट प्रभावित र मारिएका अन्य नेपाली जनताको विषयमा पनि सोच्नु पर्ने भन्दै माओवादीकै कारण नेपालमा अपराध सामान्य बन्दै गएको आरोप लगाए ।