दाँत हाल्न बैंकमा डकैती

वासिङटन- अमेरिकामा नयाँ दाँत हाल्न एक थोती महिलाले बैंक डकैती गरेकी छिन् ।

पेन्सिलभेनिया राजयको वायनेस्वर्गस्थित बैंकको सिसिटिभी क्यामेरामा ४९ वर्षीया ती महिलाले बैंक लुटेको दृश्य कैद छ । पक्राउ परेपछि उनले नयाँ दाँत हाल्न डकैती गरेको अधिकारीहरुलाई बताएकी थिइन् ।

वायनेस्वर्गका प्रहरीले अधिकारीले सामाजिक सुरक्षाको रकम प्राप्त गर्न अर्को वर्षसम्म कुर्नुपर्ने भएपछि दाँत लगाउन पैसा नहुँदा लुटेको उने बताएमी छिन् । ग्राहक बनेर बैंक प्रवेश गरेकी ती महिलाले क्यासियरलाई कागतको टुक्रामा ‘मागे जति रकम देउ’ लेखेर दिएकी थिइन् । पत्रमा उनले आफुसँग बन्दुक रहेको र प्रहरीलाई खबर नगर्ने समेत उनले चेतावनी दिएकी थिइन् । पछि बैंककै कर्मचारीले चर्चमा उनलाई चिनेपछि प्रहरीले उनलाई पक्राउ गरेको हो ।