भक्तपुर – एमाले नेता के.पी ओलीले तीब्र संक्रमण र परिवर्तनबाट गुज्रिरहेको नेपाललाई दिगो शान्तिमा रुपान्तरण गर्न माओबादी लडाकु र हतियार ब्यबस्थापन मुख्य चुनौति भएको बताएका छन् ।प्रेस चौतारी नेपाल जिल्ला शाखा भक्तपुरको दोस्रो जिल्ला अधिवेशनको उद्घाटन गर्दै नेता ओलीले माओवादी लडाकु र हतियार ब्यवस्थापन नगरी संविधान जारी गरे मुलुकमा हिंसा अन्त्य नहुने बताए।
माओबादीले सेना समायोजनमा ढिलाइ गरिरहेको उल्लेख गर्दै उनले माओवादीले जनतालाई भ्रममा राखेको बताए । सरकार गठन हुने बित्तिक्कै जनतामा भ्रम छरेर सस्तो प्रचारमा लागेको माओवादी नेतृत्वको बर्तमान सरकार असफल हुँदै गएको उनले बताए ।
‘सरकारलाई स्थापित गर्ने कामले हो, भ्रममा पारेर कति दिन टिक्न सकिन्छ, चार महिनामै सरकारको रंग झर्दै गएको छ,’ उनले भने ।
नेता ओलीले संकुचित धारणा बोक्ने पार्टीले राष्ट्रका समस्या समाधान गर्न नसक्ने बताउँदै जनतालाई सर्वोपरी राखेर गन्तब्य पहिल्याउनुपर्ने विचार ब्यक्त गरे।
