काठमाडौंको मौसम अरु दुई दिन यस्तै

काठमाडौं- राजधानीसहित केही पहाडी क्षेत्रमा सोमबारसम्म मौसम धुम्मिने मौसमविद्ले बताएका छन् । केही ठाउँमा पानी पनि पर्न सक्छ– मौसमविद के.बी. मानन्धरले भन्नुभयो । केही दिनअघि भारतमा देखिएको आँधीको प्रभावले नेपालमा मौसम प्रभावित बनेको मौसम पूर्वानुमान महाशाखाले जनाएको छ ।

महाशाखाका अनुसार उच्च पहाडी क्षेत्रमा हिमपात पनि शुरु भएको छ । हिउँ खेलेर रमाइलो मान्नेहरुलाई यो मौसम अनुकूल बनेको छ । तर नयाँ वर्ष न्यानो वातावरणमा मनाउन चाहनेहरुका लागि भने आइतबार निराशाजनक रह्यो ।