‘अयोग्य’को बिल्ला हटाउन माग गर्दै पूर्व लडाकुहरुको बन्द

काठमाडौं– राष्ट्रसंघीय राजनीतिक मिसन (अनमिन)ले अयोग्य ठहर गरेका माओवादी पूर्व लडाकुहरुको बन्दका कारण सोमबार पूर्वाञ्चलको जनजीवन प्रभावित भएको छ ।

दैनिक एक विकासक्षेत्र बन्द गर्दै आएका उनीहरुको बन्दले कोशी ब्यारेज पूर्वको यातायात, कल कारखाना, शिक्षण संस्था, बजार, पसल बन्द भएको पूर्व क्षेत्रीय प्रहरी कार्यालय इटहरीका प्रहरी निरीक्षक भीमप्रसाद दाहालले जानकारी दिनुभयो ।

पूर्व लडाकुहरुले आफूहरुमाथि लगाएको अयोग्यको बिल्ला हटाउनको साथै, राहत तथा पुनर्स्थापना प्याकेजको माग गर्दै आएका छन् । अनमिनले माओवादीका ३ हजार लडाकुलाई अयोग्य ठहर गरेको थियो ।