प्रचण्डको प्रतिवेदन पारित गरे त्यसले झन समस्या ल्याउँछः वैद्य पक्ष

काठमाडौं- एकीकृत नेकपा माओवादीको वैद्य पक्षले बहुमतबाट प्रचण्डको प्रतिवेदन पारित गरे त्यसले झन समस्या ल्याउने चेतावनी दिएको छ ।

आइतबार बसेको केन्द्रीय समितिको बैठकपछि वैद्य पक्षका पोलिटब्यूरो सदस्य हरिभक्त कँडेल प्रतीकले बहुमत अल्पमतको प्रक्रियाबाट गए त्यसमा विचारको पनि प्रश्न जोडिनेभएकोले त्यसले समस्या समाधान नगर्ने बताउनुभयो ।

बैठकमा बोल्दै वैद्य पक्षका नेताले बैठकमा उठेका सबै विचार र सुझावलाई समेट्नु पर्नेमा जोड दिएका छन् भने प्रचण्ड पक्षका नेताले पार्टीका शीर्षस्थ नेता बसेर समस्याको पहिचान गरेर अघि बढ्नु पर्ने सुझाव दिएका छन् । तर वैद्य पक्षका नेताले भने फेरि पनि नेतृत्वमै भर परेर समस्या समाधान नहुने भन्दै बैठकबाटै समाधान खोज्नु पर्नेमा जोड दिएका छन् ।

बैठक सोमबार बिहान ११ बजे बस्ने गरि सकिएको हो ।