काठमाडौं- जनयुद्धमा माओवादीले सञ्चालन गरेको ‘जनसत्ता’ले गरेका घरजग्गा कारोबारका निर्णयलाई सरकारले मान्यता दिएपछि रिसाएका विपक्षी दललाई प्रधानमन्त्री डा. बाबुराम भट्टराईले वार्ताको टेबुलमा ल्याइछाडे ।
‘जनसत्ता’ले गरेका घरजग्गा कारोबारका निर्णयलाई खारेज नगरेसम्म माओवादीसाग वार्ता नै नगर्ने अडानमा रहेका कांग्रेस-एमालेलाई प्रधानमन्त्रीले टेलिफोन र भेट गरेरै भए पनि सहमतिमा ल्याइछाडे । ‘हाम्रा नेता त्यतिछिटो पग्लिहाल्छन् भन्ने लागेको थिएन,’ कांग्रेसका एक नेताले भने ।
‘जनसत्ता’ले गरेका घरजग्गा कारोबारका निर्णयलाई तत्काल कार्यान्वयन नगर्नु भन्ने सर्वोच्चको अन्तरिम आदेशपछि प्रधानमन्त्रीलाई पनि सहमतिको प्रयास थाल्न सजिलो भएको थियो । उनले सर्वोच्चले भनिसकेको अवस्थामा तत्काल अगाडि नबढाउने बताउादै वार्तामा बोलाएका थिए ।
प्रधानमन्त्रीका स्वकीय सचिव विश्वदीप पाण्डेले दलहरुलाई सहमतिमा ल्याएर शान्ति प्रक्रिया अगाडि बढाउन तीन दिनसम्म ‘होमवर्क’ गरेको जानकारी दिए । ‘अन्ततः उहा सफल हुनुभयो,’ उनले भने ।
प्रधानमन्त्रीकै पहलमा कांग्रेस संसदीय दलका नेता रामचन्द्र पौडेलको निवास बोहोराटारमा सोमबार सााझ शीर्ष नेताहरुबीच करिव दुई घण्टा वार्ता भएको थियो । ‘अब सवै बसेर वार्ताबाटै समस्या समाधान गर्ने निर्णयमा पुगेका छौं,’ बैठकपछि माओवादी अध्यक्ष पुष्पकमल दाहालले भने ।
