काठमाडौ- प्रधानमन्त्री डा. बाबुराम भट्टराईले कांग्रेस सभापति सुशील कोइरालालाई गतिरोध फुकाउन सहयोग गर्न आग्रह गरेका छन् ।सोमबार कोइराला निवास महाराजगन्ज पुगेर भट्टराईले समस्याको समाधानका लागि छलफल र सम्वादका लागि आग्रह गरेका हुन् । सरकारले कथित ‘जनसत्ता’ को निर्णयलाई वैद्यता प्रदान गर्ने गरेको निर्णय पछि प्रतिपक्षी कांग्रेस र एमाले सरकारसँग वार्तामा वस्न मानेका छैनन भने लगातार संसद अवरुद्ध गरिरहेका छन् ।
गतिरोध बढेपछि प्रधानमन्त्री भट्टराईले नेताहरुसँग भेटवार्ता सुरु गरेका छन् ।
भेटमा प्रधानमन्त्रीले समस्याको समाधान खोजेर शान्ति प्रक्रियालाई मद्दत पुग्ने गरी सहमतिमा अगाडि बढ्न चाहेको कोइरालासंग आग्रह गरेका थिए ।
कोइरालाले शान्ति प्रक्रिया अगाडि नबढाएको तथा ‘जनसत्ता’को निर्णयलाई वैधता दिन खोजेकोप्रति प्रधानमन्त्रीसंग आपत्ति जनाएका थिए ।
