दलहरु अधिनायकवादीः भण्डारी

इलाम– म्याद पुनः नथप्ने फैसला पुनरावलोकन गर्न सर्वोच्च अदालतले नमानेपछि दलहरुले चर्को विरोध गरिरहेकाबेला नेकपा एमालेकी उपाध्यक्ष विद्यादेवी भण्डारीले भने आपत्ति जनाएकी छन् ।

बिहीबार बिहान इलाममा आयोजित पत्रकार सम्मेलनमा उनले सर्वोच्चको निर्णयमा टिका टिप्पणी गरेर दलहरुले अधिनायकवादी चरित्र देखाउन खोजेको आरोप लगाइन् ।

भण्डारीले संविधान बनाउन छाडेर दलहरु म्याद थपतिर केन्द्रित भएको बताइन् । उनले समयमै संविधान लेख्न नसके ताजा जनादेशमा जानुपर्ने धारणा राखिन् ।

पूर्व रक्षामन्त्रीसमेत रहेकी भण्डारीले नेपाली सेनामा मधेसी भर्नाको पनि विरोध गरिन् । उनले सेनामा जातीय र क्षेत्रीयरुपमा भर्ना गर्नु घातक हुने टिप्पणी गरिन् ।