ओलीलाई सभासद् बनाउनेबारे छलफल भएको छैनः भण्डारी

काठमाडौं– नेकपा एमालेकी उपाध्यक्ष विद्यादेवी भण्डारीले नेता केपी शर्मा ओलीलाई सभासद् बनाउने विषयमा पार्टीभित्र छलफल नै नभएको दाबी गर्नुभएको छ ।

राजधानीको बुद्धनगरमा शनिबार उपाध्यक्ष भण्डारीले नेता ओली सभासद् र प्रधानमन्त्रीका लागि सक्षम भए पनि स्थायी समितिको बैठकमा छलफल नभएको स्पष्ट पार्नु भयो । उहाँले अहिलेको सरकारले आफ्नो आयु लम्व्याउन शान्ति प्रक्रियाका काममा ढिलाई गरिरहेको आरोप समेत लगाउनुभयो ।

शान्ति प्रक्रियाको बाधक बनेकाले वावुराम भट्टराईकै नेतृत्वको सरकारलाई राष्ट्रिय सहमतिको सरकार बनाउन नसकिने ठहर अधिकांश नेताहरुको रहेको भण्डारीले जानकारी दिनुभयो ।