ताप्लेजुङ – भुकम्पको प्रभाव अझै सम्म कायमै रहेका वेला पुन वारम्वार भुकम्पले ताप्लेजुङलाई हल्लाइ रहन थालेपछि यहाँका वासिन्दाहरु निकै त्रसिद हुन थालेका छन् ।
ताप्लेजुङको कञ्चनजंघा आधार शिविर भएर सोमवार विहान गएको ३:२० वजे ४.६ रेक्टर स्केलको भुकम्प गएको खानी तथा भुगर्भ विभागले जनाएको छ । विभाग अन्तर्गतको राष्ट्रिय भुकम्प मापन केन्द्रका भुगर्भविद् रमेश पाण्डेले दिएको जानकारी अनुसार यस अघि मंसिर २८ गते २:५ वजे पनि सोही क्षेत्रलाई केन्द्रविन्दु वनाएर ताप्लेजुङमा ४.९ रेक्टर स्केलको भुकम्प गएको थियो ।
यसरी असोज एक गते पनि ताप्लेजुङलाई नै केन्द्रविन्दु वनाएर भुकम्प जानु र त्यस यता पनि यसै जिल्लालाई वारम्वार भुकम्पले हल्लाईरहनुको कारण पक्ता लगाईदिन ताप्लेजुङवासीले सरकार सँग माग गरेका छन् । कुनै वेला ठुलो भुकम्प आएर मरिने पो होकि भन्ने त्रास आफुहरुमा कायमै रहेकोले यो त्रास हटाइदिन ताप्लेजुङवासीले सरकार सँग यस्तो माग गरेका हुन् ।
ताप्लेजुङमा असोज एक गते गएको भुकम्पले झन्डै १५ सय घर र विद्यालय भवनहरुमा क्षती पुर्याएको थियो । तर यो भुकम्पले पुर्याएको क्षतीको विषयमा अहिले सम्म त्यस्तो कुनै जानकारी नआएको जिल्ला प्रहरी कार्यालय ताप्लेजुङले जनाएको छ ।
