फेरि कुटाइ खाए सभासद्ले

काठमाडौं– चार वर्षसम्म पनि संविधान नबनाएको रिस सभासदमाथि पोखिनेक्रम जारी छ ।

राज्यव्यवस्था समितिका सभापति रामनाथ ढकालले कुटाइ खाएको एक साता नपुग्दै अर्का सभासद् एवं संविधानभाको शासकीय स्वरुप समितिका सभापति शम्भू हजारा दुसाधमाथि आक्रमण भएको छ ।

नयाँ बानेश्वरको मिलनचौक नजिकै आइतबार राति साढे १० बजे दुसाधमाथि आक्रमण भएको हो । प्रहरीले आक्रमणकारी खोजे पनि भेट्टाउन सकेको छैन ।

दुसाध उपचारपछि सोमबार बिहान घर फर्किएका छन् । उनको टाउकोमा दुई टाँका लगाइएको छ । पर्सा गृह जिल्ला भएका दुसाध नेपाली कांग्रेसका समानुपातिक सभासद् हुन् ।