आफ्नै कर्मचारीलाई कारमा जबरजस्ती गर्ने क्रोएसियाका लागि जापानी राजदूत फिर्ता

टोकियो (जापान)– जापानको परराष्ट्र मन्त्रालयले क्रोएसियाका लागि जापानी राजदूतलाई फिर्ता बोलाएको छ ।

दूतावासकी २० वर्षीया युवतीलाई कारमा जबरजस्ती गर्न खोजेको आरोपमा क्रोएसियाका लागि जापानी राजदूत योशीओ तामुरालाई फिर्ता बोलाइएको परराष्ट्र मन्त्रालयले जनाएको छ ।

कारमा चुम्बन गर्न खोजेको, संवेदनशील अंगमा घर्षण दिएको भन्दै तामुरालाई फिर्ता बोलाइएको जिजी प्रेसले जनाएको छ । राजदूतले आफूमाथि लागेको आरोपबारे जानकारी लिँदा पनि सहयोग नगरेको समाचारमा उल्लेख छ ।