काठमाडौं- शनिबार साँझ खग्रास चन्द्रग्रहण लाग्ने भएको छ ।चन्द्रग्रहण अरवियन महासागरबाट नेपाली समय अनुसार साँझ साढे ६ बजे सुरु भई प्रशान्त महासागरको मध्यभाग हुँदै मेक्सिकोमा १० बजेर ३ मिनेटमा अन्त्य हुनेछ ।
चन्द्रग्रहणको अवधि करिब ५३ मिनेट रहने वीपी कोइराला मेमोरियल प्लानेटेरियम तथा अब्जरभेटरी र विज्ञान सङ्ग्राहालय विकास समितिले जनाएको छ ।
चन्द्रग्रहणको मध्यकाल ८ बजेर १७ मिनेट जाँदा हुने जनाइएको छ । नेपालको मध्य भागबाट देख्न सकिने चन्द्रग्रहण नेपालमा पुर्वबाट साँझ साँढे ६ बजे स्पर्श सुरु भई ८ बजेर १७ मिनेटमा मध्य र १० बजेर ३ मिनेट जाँदा पश्चिमबाट मोक्ष हुनेछ । चन्द्र ग्रहणलाई विना उपकरण सोझै हेर्न सकिनेछ ।
चन्द्र ग्रहण अवलोकन गर्दा वा चन्द्रग्रहण लागेको समयमा मानवता यसको प्रतिकुल प्रभाव पर्ने कुनैपनि वैज्ञानिक आधार नभएको समितिले जनाएको छ । अर्को चन्द्रग्रहण २०६९ साल जेष्ठ २२ गते लाग्ने छ ।
