प्रधानमन्त्री अस्वस्थ भएपछि औपचारिक कार्यक्रम स्थगित

काठमाडौं– प्रधानमन्त्री डा. बाबुराम भट्टराई अस्वस्थ भएपछि उहाँका औपचारिक सबै कार्यक्रम स्थगित भएका छन । प्रधानमन्त्री भट्टराई मंगलबार देखि अस्वस्थ हुनु भएको छ ।

अस्वस्थ भएपछि प्रधानमन्त्री भट्टराईले बालुवाटारमै आराम गरिरहनु भएको उहाँको नीजि सचिवालयले जनाएको छ । भट्टराईलाई रुघा खोकीले ग्रस्त बनाएपछि चिकित्सकहरुले आराम गर्न सल्लाह दिएको प्रधानमन्त्रीका प्रमुख स्वकीय सचिव गंगा श्रेष्ठले समुद्रपारि डट कमलाई जानकारी दिनुभयो । अस्वस्थताका कारण प्रधानमन्त्रीका भेटघाट लगायतका सबै औपचारिका कार्यक्रम स्थगित गरिएको श्रेष्ठले जानकारी दिनुभयो ।

प्रधानमन्त्रीको अस्वस्थताका कारण बिहीबार दिउसो बस्ने तय भएको मन्त्रिपरिषद्को बैठक समेत अन्यौलमा परेको छ ।