गाडीको ठक्करबाट डीएसपीको ज्यान गयो

चितवन- चितवनको टिकौलीमा आइतबार साँझ भएको दुर्घटनामा सशस्त्र प्रहरीका नायब उपरीक्षक (डीएसपी) को ज्यान गएको छ ।

बा १ ब ६३५६ नम्बरको मोटरसाइकलमा भण्डारा जाँदै गरेका सशस्त्र प्रहरी बल गढीमाइगढ भण्डारामा कार्यरत प्रहरी नायब उपरीक्षक अर्जुन धरेलको गाडीको ठक्करबाट ज्यान गएको हो ।

टिकौलीमा रहेको सशस्त्र प्रहरीद्वारा संचालित देवकी ट्रेडर्स पेट्रोल पम्पमा मोटरसाइकलमा पेट्रोल भरेर भण्डारातर्फ जान लाग्दा वीरगन्जबाट नारायणगढतिर जाँदै गरेको  ना ४ ख ४५५७ नम्बरको बसले धरेलको मोटरसाइकललाई ठक्कर दिएको थियो ।

धरेलको उपचारका क्रममा भरतपुर मेडिकल कलेजमा ज्यान गएको प्रहरीले जनाएको छ ।