टोकियो – फुकुओका प्र प्रान्तको फुकुत्सु शहरमा प्रहरीले २० वर्षीय एक युवालाई तरवार र बन्दुक नियन्त्रण कानून उल्लंघन गरेको आरोपमा पक्राउ गरेको छ ।
उनले आफ्नी पूर्व प्रेमिकाले काम गर्ने सपिङ मलको पसलमा चक्कु लिएर गएका थिए । प्रहरीका अनुसार, एनटिभीले रिपोर्ट गरेअनुसार, घटना आइतबार बेलुका ५:३० बजेतिर AEON मल फुकुत्सुमा भएको थियो ।
ती महिलाले शनिबार नै प्रहरीलाई सम्पर्क गरेर ‘मलाई डर छ कि मेरो पूर्व प्रेमी म काम गर्ने ठाउँमा आउँदैछ’ भनेकी थिइन् । ती पुरुषको मोबाइल नम्बर प्रयोग गरी झूटो नाममा रिजर्भेसन गरिएको थियो, त्यसैले प्रहरी घटनास्थलमा खटिएको थियो ।
किटाक्युशु शहरका ती व्यक्ति तोकिएको समयमा पसलमा पुग्दा प्रहरीले उनलाई रिजर्भेसनबारे सोधेको थियो । सुरुमा उनले आफ्नो झोलामा बम भएको बताए र त्यसपछि चक्कु निकाले, तर उनलाई तत्काल पक्राउ गरियो र कसैलाई चोट लागेन ।
प्रहरीले ती व्यक्तिको चक्कु करिब २० सेन्टिमिटर लामो ब्लेड र काठको ह्यान्डल भएको बताएको छ ।
