टोकियो – वल्ड नेवाः अर्गनाईजेशन जापानकी प्रतिनिधिले नेपालको भूकम्पबाट क्षतिग्रस्त ऐतिहासिक नाला सत्तल निर्माणका लागि सहयोग गर्नुभएको छ । 
गत वर्षको विनाशकारी भूकम्पबाट पूर्ण रूपमा क्षतिग्रस्त ऐतिहासिक नाला करुणामय सत्तल निर्माणको सहयोगका लागि वल्ड नेवाः अर्गनाइजेशन जापानका प्रतिनिधि प्रमिला शाक्यले नाला करुणामय सत्तल निर्माण सहयोग समितिका अध्यक्ष दिल बहादुर श्रेष्ठज्युलाई ३ लाख १० हजार ५ सय ५५ रुपैयाँ सहयोग प्रदान गर्नुभएको हो ।
भूकम्पबाट क्षतिग्रस्त सत्तल पुर्ननिर्माणको लागि सहयोग गरिदिनु भएकोमा वल्ड नेवाः अर्गनाईजेशन जापानकी शाक्य सहितको टिमलाई धन्यवाद दिदैँ अध्यक्ष श्रेष्ठले सत्तल निर्माण कार्यको शिलान्यास सुरु भई सकेको र केही महिनामा नै निर्माण कार्य पुरा हुने कुराको जानकारी गराउनुभयो ।
हाम्रो संस्कृतिको सरंक्षण, सम्बद्र्धन र आवश्यकता परेको खण्डमा केही सहयोग गरौँ भन्ने भावनाले प्रेरित भई जापानमा सक्रिय रूपमा लाग्नु भएकी प्रमिला शाक्यज्युले आफ्ना आमा, बुबा, बज्यै र वल्ड नेवा अर्गनाईजेशन जापानको नाममा उक्त रकम सहयोग गर्नु भएको हो ।
