काठमाडौं – धनकुटा महोत्सवमा अत्याधिक भिडभाडका कारण च्याप्पिएर एक दर्जनभन्दा बढी घाइते भएका छन् । अत्याधिक भिडभाड भएको बेलामा एकैचोटि भित्र प्रवेश गराइँदा उक्त घटना भएको थियो ।
उनीहरूमध्ये २ जनाको अवस्था गम्भीर रहेको १ नम्बर प्रदेश प्रहरी कार्यालय विराटनगरका प्रमुख प्रहरी नायव महानिरीक्षक श्याम लाल ज्ञवालीले जानकारी दिए । गायक प्रमोद खरेल उपस्थित हुने उक्त कार्यक्रममा अत्याधिक भीड भएपछि घटना भएको जनाइएको छ ।
उनका अनुसार १३ जना घाइते भएका छन्, घाइते सबैलाई बिपी कोइराला स्वास्थ्य विज्ञान प्रतिष्ठान धरान पठाएको छ । उनीहरूको बिपी कोइराला विज्ञान प्रतिष्ठानमा उपचार भइरहेको प्रहरीले जनाएको छ ।
