काठमाडौं – प्रधानमन्त्री कप महिला राष्ट्रिय क्रिकेट प्रतियोगिताको उपाधिका लागि आज विभागीय एपीएफ र पूर्वाञ्चल भिड्दैछन् ।
फाइनल खेल धनगढीस्थित फाप्ला क्रिकेट मैदानमा हुुनेछ । हिजो भएको सेमिफाइनलमा जित निकाल्दै दुवै टोली आज उपाधिका लागि भिड्न लागेका हुन् ।
सेमिफाइनलमा पूर्वाञ्चलले मध्यमाञ्चललाई ५३ रन तथा विभागीय एपीएफले घरेलु टोली सुदूरपश्चिमलाई ८१ रनको फराकिलो अन्तरले पराजित गरेका थिए । प्रतियोगिताको विजेताले ५ लाख तथा उपविजेताले २ लाख रुपैयाँ नगद प्राप्त गर्नेछन्
